Jugendhaus Rëmeleng

Eist Jugendhaus besteet säit iwwer 20 Joer, mir däerfen eist Haus zu deenen eelsten aus dem Land zielen.

Fir déi nächst Joeren ass eist Haaptziil „Nowues“ an d’Jugendhaus ze kreien. Mir haten elo ganz laang eng Generatioun heibannen, déi natierlech elo sou lues „pflügge“ gëtt, a firun e puer Méint war et zimlech roueg am Haus ginn. Lo gëllt et nei Jonker fir d’Haus ze gewannen a déi un d’Jugendhaus ze bannen, sou dass si hiert Jugendhaus kenne kreeéieren.

Reegelméisseg Aktivitéiten, déi quasi all Woch stattfannen sinn zum Beispill Fussball, Fitness a Kachen (+ zesummen iessen). Doriwwer eraus bidde mir all Joers eng Skikolonie an eng kleng Vakanz un ( zb Citytrip, Center Parcs, …) an mir maachen och Aktivitéiten wéi Bowling, Kino, méi kreativ Saachen a probéieren eis am Fräiwëllegen Dëngscht ze engagéieren. Mir huelen z.B. un all de Festivitéiten deel, déi eis Gemeng organiséiert a probéieren esou present no baussen ze sinn an Ëffentlechkeetsaarbecht ze maachen. Dat ass immens wichteg, ënnert anerem esou areeche mir eis d’Zil vun enger neier Populatioun am Jugendhaus.

Un der Rencontre vum Jugendhaus deelhuelen:

• Bar maachen/opfëllen/zielen
• Mat Jonker a Kontakt trieden
• Un Aktivitäten deelhuelen
• Aktivitäten organiséieren
• Ideën hunn a kreatif sinn, fir déi nei Generatioun ze bannen
• Alles wat zum Lierwen am Jugendhaus passt

Gesichten Profil

• Alter: ab 20 Joer
• räif sinn an Responsabilitéit iwwerhuelen kënen
• Führerschein!
• Erfahrung am soziale Beräich (keng Mussesaach)
• Lëtzbuergesch ass wichteg, all aaner Sproch ass e Plus