Sarah de Demo – NGO Action pour un Monde Uni

Eleng ze reesen heescht, sech op d’Sich no deene klenge Stécker vun sech selwer ze maachen, déi e bëssen iwwerall, e bëssen néierens verdeelt sinn. Reesen heescht, sech selwer ze begéinen.

Wärend mengem Service volontaire de coopération vun engem Joer zu Cochabamba (Bolivien) hunn ech haaptsächlech mat Kanner, Jugendlechen a jonken Erwuessenen mat enger Beanträchtegung geschafft an d’Betreiung vun engem klenge Meedchen iwwerholl, dat Schwieregkeete bei der verbaler Ausdrocksweis hat. D’Leit, déi mech wärend deem Joer ëmginn hunn, hu mir gehollef, Sënn an de méi chaoteschen Aspekter vum Liewen ze fannen, an hu mir bewosst gemaach, datt d’Weltkaart sech net nëmmen op déi duergestallt Länner reduzéiert, mee op d’Mënschen, déi een ënnerwee begéint. Si all waren e Fundament an enger Welt, déi gewackelt huet.

No dëser beräicherender an onvergiesslecher Erfarung hunn ech decidéiert, eng Fotoausstellung ze organiséieren, vu verschidde Projeten, an deenen ech mech engagéiert hat. Dës Fotoausstellung läit mir besonnesch um Häerz, well et meng Manéier ass, de verschiddenen Organisatioune Merci ze soe fir hiren Empfang an d’Vertrauen, dat si mir a meng Aarbecht gesat hunn.

Tupananchiskama !