Skip to content
Le Gouvernement du Grand-Duché du Luxembourg

Beschreiwung

Eis ONG schafft ënner engem Kadervertrag mam Ausseministere (MAEE). D’Projeten, déi ënnerstëtzt ginn, zielen drop of, de lokale sozialen Impakt op eng nohalteg Manéier ze maximiséiere, andeems d’Kapazitéite vun de Mënschen aus der Zivilgesellschaft gestäerkt ginn duerch d’Erhéijung vum Bildungsniveau an der Professionalitéit, am Respekt vun de Prioritéiten an de Gewunnechte vun de Leit. D’Zil ass, eng méi grouss Nohaltegkeet vun hiren Aktivitéiten z’erreechen an op laang Siicht eng eegestänneg Finanzéierung méiglech ze maachen.

Eisen aktuelle Kadervertrag (2022-2026) konzentréiert sech op 4 Länner an Ostafrika (Uganda, Tansania, R.D. Kongo, Kenia) an op 4 Länner an der Latäinamerikanescher Regioun (Brasilien, Argentinien, Peru, Bolivien).

An de leschten 30 Joer huet AMU a ville Länner geschafft. Och wann aktuell keen aktive Projet an engem spezifesche Land besteet, bleift AMU am Kontakt mat senge Partneren, an et ass eventuell ëmmer nach méiglech, Fräiwëlleger an esou ofgeschloss Projeten ze schécken. Ofhängeg vun den Erwaardungen an de Kompetenze vum Fräiwëlleger entscheeden AMU an de Fräiwëlleger zesummen, wéi ee Projet am beschten adaptéiere kéint.

Action pour un Monde Uni

11 Kiirchestrooss 5741 Filsdorf
Kooperatioun an der Entwécklung

Partager cette mission

Missiounen

  • Sarah (2024-2025) a Pit (2023) waren ee Joer laang am Projet Casa de los Niños a Bolivien aktiv, fir d’Schoulaktivitéiten ze ënnerstëtzen, awer och déi reeducativ an physiotherapeutesch Servicer, déi d’lokal ONG ubitt.
  • Sara a Joshua (2018-2019) waren ee Joer an Haiti. Sara huet an den Schoulen zu Mont Organisé geschafft, déi vun AMU zanter Jore ënnerstëtzt ginn. Joshua huet de landwirtschaftleche Projet ënnerstëtzt.
  • Verschidde Fräiwëllegerdéngschter hunn sech och an Afrika ofgespillt (kuckt amu.lu, Rapporte vu Lola a Liz), zum Beispill.